جريت يا قلبي ليه ورا سراب
قولت لسه الدنيا فيها احباب
وقفت علي بابها وفتحت الباب
قابلتني بلهفه وشوق وترحاب
قالتلي اخيرا جيت بعد غياب
دنا قلبي عليك من الحزن داب
قولتلها ليه سيباني في عذاب
قسوتك بشوفها بفراق الاحباب
دنتي يا دنيا صحيح امل كذاب
ضحكت وقالت اسمعوا يا شباب
انا مش غداره واعرفوا الاسباب
زي ماعندي الربيع فيه الضباب
وفيه البحر والجبال والتراب
وانتوا فيكم المخلص والنصاب
وفيكم الي من الهوي شاب
بتقولوا اني عذاب في عذاب
وانتم بأيدكم اخترتوا الاصحاب
مين بقا فينا يا ناس القلاب؟
موضوع: حكمة الدنيا 
الإثنين مايو 03, 2010 12:25 pm